9-тӥ инвожое
9-тӥ инвожо — Григориан дырпусъя — арлэн 160-тӥ нуналыз (касьян аре — 161-тӥез). Ар пумозь 205 нунал кылемын.
☀️ Ижкарын Шунды 3 час 37 минутэ ӝужа, пуксе 21 час 17 минутэ. Югыт нуналлэн кыстӥськемез 🕒 17 час 40 минут.
🌗 Берпуметӥ ньыльмосэз (будэмез 23.43 нунал).
|
|||||||||||||||||||||||||||||||||||||||||||
| 2026-тӥ ар | |||||||||||||||||||||||||||||||||||||||||||
| Толшор | Тулыспал | Южтолэзь | Оштолэзь | Куартолэзь | Инвожо | Пӧсьтолэзь | Гудырикошкон | Куарусён | Коньывуон | Шуркынмон | Толсур |
Нунал тодметъёс
- Федора Гурт утись (ӟуч: Федора Домовница). Та нуналэ, пе, азьланяз юртэз умой мед утёз шуыса, Коркакузёез сӥлы кароно. Удмурт калыкын туннэ Коркакузё шулдыръяське, шуо[1]. Та нуналэ жаг поттыны уг яра.
- Туннэ казь пилемо ке — сӥзьыл кот улоз.
- Палэзьпу чебер сяськаяське ке — сезьы удалтоз.
- Шунды ӝужаку ик ӝокыт ке — зороз.
Нимнуналзэс пусъё
Праздникъёс но буре ваён нуналъёс
- Эшъёслэн калыккуспо нуналзы.
- Архивъёслэн калыккуспо нуналзы.
- Аккредитацилэн дунневыл нуналыз.
- Капчи промышленность удысын ужасьёслэн нуналзы.
Йӧскалык праздникъёс
Ирландия — Дун-чылкыт Колумб Ирландскийлэн нуналыз (597).
Уругвай — Лымшорамерикан футболлэн нуналыз[4] (1924).
Бельгия — Атайёслэн нуналзы.
Уганда — Геройёслэн нуналзы.
Тумошо праздникъёс
- Майтал пульы лэзьян нунал.
Луэм учыръёс
Удмуртиын
- 2018 — Ижкарын Карл Маркс урамын нырысетӥ удмурт мотоциклъёсты кылдытӥсьлы синпелет усьтэмын вал.
Россиын но дуннеын
- 68 — Нерон ассэ ачиз быдтӥз. Соин валче, Юлий-Клавдийёслэн выжызы быре но граждан ож кутске. Историын Ньыль императоръёслэн арзы шуыса тодмо луэ.
- 1534 — Жак Картье Дун-чылкыт Лаврентий нимо шурез усьтӥз.
- 1719 — Пётр I ӟуч губерниосты провинциослы но утемъёслы люкиз.
- 1737 — Москваын Тройча нуналэ тылпу потӥз.
- 1762 — Росси империя Пруссиен тупанкыл гожтӥз.
- 1822 — США-ын Чарльз Грэм искусственной ангес кылдытӥз.
- 1883 — Москваын сӥё-дано усьтэмын Историлы сӥзем музей, сое пуктон ужъёс 10 ар кыстӥськизы.
- 1889 — Римын Джордано Бруноез сутон интыын солы синпелет усьтэмын.
- 1934 — экранъёс вылэ потӥз Дональд Дак героен нырысетӥез мультфильм.
- 1941 — Кыкетӥ дунне ож: Германиын СССР-ысь киултэм терриориосын пайдаяськон вылысь, «Восток» штаб кылдытэмын.
- 1944 — Кыкетӥ дунне ож: Тюльын трос калык виемын.
- 1945 — СССР-ын «Берлинэз басьтэм понна», «Будапештэз басьтэм понна», «Венаез басьтэм понна», «Кёнигсбергез басьтэм понна», «Белградэз мозмытэм понна», «Варшаваез мозмытэм понна», «Прагаез мозмытэм понна» медальёс кылдытэмын.
- 1945 — Германиын Совето ожгар администрация кылдытэмын.
- 1970 — орбитаын шахматэн шудонъя инсьӧр матч ортчытэмын. «Союз-9» инсьӧр корабльлэн экипажез — командир Андриян Николаев но корабльлэн бортинженерез но кыкетӥ пилотэз Виталий Севастьянов ЦУП-ен шахматэн шудӥзы. Шудон нокин вормытэк йылпумъяськиз.
- 1994 — Казахстанлэн азьмуртэз Нурсултан Назарбаев шоркарез Алма-Атаысь Акмолае выжтон сярысь ялӥз (азьвыл Целиноград, 1998-тӥ арысен — Астана, 2019-тӥ арысен — Нур-Султан но 2022-тӥ арысен выльысь — Астана).
- 1995 — Сочиын Украиналэн азьмуртэз Леонид Кучма но Россилэн азьмуртэз Борис Ельцин Черноморской флотэз люкон сярысь тупанкыл гожтӥзы.
- 2002 — Москваысь Манежной площадьын Россия но Япония куспын футболэн шудонъя матч 0:1 лыдын йылпумъяськем бере, футбол фанатъёс туж зол укылтэмъяськизы.
Вордскизы
Удмуртиысь тодмо муртъёс
Россиысь но дуннеысь тодмо муртъёс
- 1661 — Фёдор III Алексеевич, ӟуч эксэй.
- 1672 — Пётр I, ӟуч эксэй (1682-тӥ арысен) но Россилэн нырысетӥ императорез.
- 1812 — Иоганн Готтфрид Галле, немец астроном, Нептун планетаез усьтӥз.
- 1829 — Николай Фёдоров, мыслитель, ӟуч космизмез кылдытӥсь.
- 1950 — Юрий Щекочихин, СССР-ысь но Россиысь журналист.
- 1963 — Джонни Депп, Америкаысь актёр, кинорежиссёр, музыкант.
- 1981 — Натали Портман, Америкаысь но Израильысь киноактриса.
Кулӥзы
Удмуртиысь тодмо муртъёс
Россиысь но дуннеысь тодмо муртъёс
- 68 — Нерон, рим император.
- 1870 — Чарльз Диккенс, Англиысь гожъяськись.
- 1960 — Семён Лавочкин, совето авиаконструктор, «ЛаГГ» но «Ла» самолётъёсыз кылдытӥсь.
- 2011 — Павел Винник, СССР-ысь но Россиысь актёр, Россиысь калык артист.
Валэктонъёс
- ↑ Удмурт калык календарь. Инвожо.
- ↑ Именины по месяцам Эскеремын 2016-06-13 арын
- ↑ Православный календарь именин, Православие и мир. Архивировано 8 инвожое 2018 года. Эскеремын: 9 инвожое 2018 арын.
- ↑ Recuerdan a la celeste en el Día del Fútbol Sudamericano [испан], LARED21 (10 junio 2003). Эскеремын: 9 инвожое 2018 арын.